Athugið þessi frétt er meira en 3 ára gömul.

Hilmar Snær fánaberi Íslands í Suður-Kóreu

Mynd: RÚV / RÚV

Hilmar Snær fánaberi Íslands í Suður-Kóreu

09.03.2018 - 11:46
Vetrarólympíumót fatlaðra var sett í Pyeongchang í Suður-Kóreu í dag. Hilmar Snær Örvarsson var fánaberi Íslands við setningarathöfnina.

Hilmar Snær er eini keppandi Íslands á Vetrarólympíumótinu en hann keppir í alpagreinum 13. og 16. mars, í svigi og stórsvigi. 

Um 50 þjóðir keppa á Vetrarólympíumótinu að þessu sinni og verður keppt í sex greinum; í alpagreinum, skíðaskotfimi, skíðagöngu, sleðaíshokkí, á snjóbrettum og í hjólastólakrullu. 

Ísland var 24. þjóðin til að ganga inn á setningarathöfnina en með Hilmari gengu þjálfarar hans Þórður Georg Hjörleifsson og Einar Bjarnason.