Hildur vann Grammy-verðlaunin

Hildur Guðnadóttir tekur á móti Grammy-verðlaununum fyrir tónlistina í Chernoby.
 Mynd: AP

Hildur vann Grammy-verðlaunin

26.01.2020 - 21:15

Höfundar

Hildur Guðnadóttir vann í kvöld Grammy-verðlaun í flokknum besta tónlist fyrir sjónrænan miðil fyrir hljóðrás sína við þættina Chernobyl. 

Chernobyl-þættirnir hafa hlotið mikið lof gagnrýnenda og þar leikur tónlist Hildar stórt hlutverk en hún tók upp hljóð í kjarnorkuveri í Litháen til að nota í hljóðrásina. Hildur vann til Emmy-verðlauna í september fyrir Chernobyl.

Hildur hefur einnig skráð sig á spjöld sögunnar fyrir tónlist sína í kvikmyndinni Joker, en hún vann Golden Globe-verðlaun fyrir tónlistina fyrr í mánuðinum. Hildur var einnig verðlaunuð fyrir tónlistina í Joker á kvikmyndahátíðinni í Feneyjum og var valin sjónvarpstónskáld ársins á World Soundtrack Awards. 

Hildur var einnig tilnefnd til Bafta- og Óskarsverðlauna fyrir tónlistina við Joker. Bafta-verðlaunin verða afhent 2. febrúar en Óskarinn viku seinna eða 9. febrúar.

Tengdar fréttir

Tónlist

Hildur líklegust til að vinna Grammy og Óskar

Tónlist

Hildur Guðnadóttir: „Ég er ekki alveg búin að átta mig“

Tónlist

Hildur Guðnadóttir tilnefnd til Golden Globe-verðlauna

Popptónlist

Hildur Guðnadóttir tilnefnd til Grammy fyrir Chernobyl