Athugið þessi frétt er meira en 5 ára gömul.

Helmingur á móti afskiptum forseta

19.06.2016 - 20:37
Mynd með færslu
 Mynd: Skjáskot - RÚV
Helmingur þeirra, sem tekið hafa kosningapróf RÚV, er ósammála því að forseti Íslands megi beita sér gegn stefnu stjórnvalda og reyna að hafa áhrif á hana.

Í kosningaprófi RÚV gefa svarendur upp afstöðu sína til 25 fullyrðinga um forsetaembættið og hlutverk þess. 

Fullyrðing #21 hljómar svo: „Forseti Íslands má beita sér gegn stefnu stjórnvalda og reyna að hafa áhrif á hana“. 8157 hafa tekið afstöðu. 51% þeirra eru ósammála fullyrðingunni en 43% sammála. 

Mynd með færslu
 Mynd: RÚV

Taka ber fram að ekki er um vísindalega könnun að ræða og kosningaprófið er fyrst og fremst til gamans gert. Prófið er hægt að taka hér, skoða svör hvers frambjóðanda og hvaða sýn þeir hafa á embættið.