Mynd: Grímur Jón Sigurðsson - RÚV
Athugið þessi frétt er meira en 2 ára gömul.
Hátt í 40 morð framin á tveimur áratugum
Á árunum 1999-2018 voru 37 morð framin á Íslandi, samkvæmt málaskrá lögreglu. Þetta kemur fram í svari dómsmálaráðherra við fyrirspurn Andrésar Inga Jónssonar, þingmanns VG.
Í flestum tilvikum eða þrettán var morðinginn vinur eða kunningi hins myrta. Í 9 tilvikum var morðinginn maki eða fyrrverandi maki hins myrta.
Í svari ráðherrans kemur fram að af þeim 37 sem voru myrtir voru 24 karlar en 13 konur.
Andrés Ingi spurði líka út í fjölda heimilisofbeldismála. Í svarinu kemur fram að á tímabilinu janúar til loka ágúst hafa komið upp 606 heimilisofbeldismál. Flest þeirra, eða 467, komu upp á höfuðborgarsvæðinu. Allt árið í fyrra komu upp 866 heimilisofbeldismál og voru 702 þeirra á höfuðborgarsvæðinu.
