Guðlaug, Jasmina og Arngrímur nýir oddvitar

Mynd með færslu
Guðlaug er lengst til hægri á þessari mynd. Mynd: Anton Brink - Björt framtíð
Stjórn Bjartrar framtíðar samþykkti nú í kvöld tillögur að uppstillingu í efstu sæti framboðslista sinna í öllum kjördæmum fyrir kosningarnar í lok mánaðar. Guðlaug Kristjánsdóttir, stjórnarformaður flokksins og forseti bæjarstjórnar í Hafnarfirði, leiðir listann í Norðvesturkjördæmi. Auk hennar koma Jasmina Crnac og Arngrímur Viðar Ásgeirsson inn sem nýir oddvitar. Þá skipta Óttarr Proppé, formaður flokksins, og Björt Ólafsdóttir umhverfisráðherra um kjördæmi á milli kosninga.

Efstu sex sætin á hverjum lista voru borin upp til samþykktar á kosningaskrifstofu flokksins nú um kvöldmatarleytið og þau samþykkt. Listarnir líta svona út:

Reykjavíkurkjördæmi norður:

  1. Óttarr Proppé, ráðherra og formaður Bjartrar framtíðar
  2. Auður Kolbrá Birgisdóttir, lögmaður
  3. Sunna Jóhannsdóttir, viðskiptafræðingur
  4. Ágúst Már Garðarsson, kokkur
  5. Sigrún Gunnarsdóttir, hjúkrunarfræðingur og dósent í þjónandi forystu
  6. Steinþór Helgi Arnsteinsson, viðburðastjóri CCP og dómari í Gettu betur

Reykjavíkurkjördæmi suður:

  1. Nichole Leigh Mosty, þingmaður
  2. Hörður Ágústsson, eigandi Macland
  3. Starri Reynisson, stjórnmálafræðinemi
  4. Þórunn Pétursdóttir, landgræðsluvistfræðingur
  5. Diljá Ámundadóttir, KaosPilot og MBA
  6. Steinunn Ása Þorvaldsdóttir, starfsmaður á mannréttindaskrifstofu Reykjavíkurborgar

Suðvesturkjördæmi:

  1. Björt Ólafsdóttir, ráðherra
  2. Karólína Helga Símonardóttir, mannfræðingur
  3. Halldór Jörgensson, framkvæmdastjóri
  4. G. Valdimar Valdemarsson, framkvæmdastjóri
  5. Ragnhildur Reynisdóttir, markaðsstjóri
  6. Pétur Óskarsson, framkvæmdastjóri

Suðurkjördæmi:

  1. Jasmina Crnac, stjórnmálafræðinemi
  2. Arnbjörn Ólafsson, markaðsstjóri Keilis
  3. Valgerður Björk Pálsdóttir, framkvæmdastjóri
  4. Drífa Kristjánsdóttir, bóndi
  5. Guðfinna Gunnarsdóttir, framhaldsskólakennari
  6. Eyrún Björg Magnúsdóttir, framhaldsskólakennari

Norðvesturkjördæmi:

  1. Guðlaug Kristjánsdóttir, sjúkraþjálfari, forseti bæjarstjórnar í Hafnarfirði og stjórnarformaður Bjartrar framtíðar
  2. Kristín Sigurgeirsdóttir, skólaritari í tónlistarskóla Akraness
  3. Elín Matthildur Kristinsdóttir, meistaranemi
  4. Gunnsteinn Sigurðsson, þroskaþjálfi og kennari
  5. Ásthildur Ósk Ragnarsdóttir, skólaliði og handverkskona
  6. Ólína Ingibjörg Gunnarsdóttir, hjúkrunarfræðingur

Norðausturkjördæmi:

  1. Arngrímur Viðar Ásgeirsson, hótelstjóri og íþróttakennari
  2. Halla Björk Reynisdóttir, flugumferðastjóri
  3. Hörður Finnbogason, ferðamálafræðingur
  4. Áshildur Hlín Valtýsdóttir, kennari og markþjálfi
  5. Jónas Björgvin Sigurbergsson, sálfræðinemi
  6. Kristín Björk Gunnarsdóttir, verkefnastjóri og garðyrkjufræðingur

Björt framtíð fékk fjóra þingmenn kjörna í kosningunum í fyrra. Þrír þeirra eru nú oddvitar lista: Björt, Óttarr og Nichole. Sá fjórði, Theodóra S. Þorsteinsdóttir, hafði lýst því yfir áður en blásið var til kosninga að hún hygðist hætta á þingi um áramót.

stigurh's picture
Stígur Helgason
Fréttastofa RÚV
Síðast:
Þessi þáttur er í hlaðvarpi