Athugið þessi frétt er meira en 7 ára gömul.

Grýtubakkahreppur

14.05.2014 - 18:53
Mynd með færslu
 Mynd:
Í Grýtubakkahreppi bjuggu 353 þann 1. janúar 2014. Sveitarfélagið er í 57. sæti yfir fjölmennustu sveitarfélög landsins. Enginn listi býður fram í sveitarfélaginu og því verða kosningarnar óhlutbundnar.

Í síðustu kosningum var óbundin kosning. Þá eru persónukosningar þar sem kosning er ekki bundin við framboð. Allir kjósendur eru í kjöri nema þeir sem eru löglega undanþegnir skyldu til að taka kjöri eða hafa fyrirfram skorast undan því. Oddviti er Jóhann Ingólfsson og sveitarstjóri Guðný Sverrisdóttir. Þau hafa bæði gefið út að þau gefi ekki kost á sér í sveitarstjórn í komandi kosningum. Jóhann starfað í sveitarstjórn í 32 ár og Guðný í 27 ár.

Í Grýtubakkahreppi er innheimt 14,48% útsvar. Skatttekjur á hvern íbúa árið 2012 námu 669.256 krónum, þegar framlag Jöfnunarsjóðs sveitarfélaga er talið með, sem er nokkuð yfir landsmeðaltali. Gert er ráð fyrir að sveitarfélagið fái rétt rúmar 77 milljónir króna í framlög frá Jöfnunarsjóði sveitarfélaga á þessu ári. Skuldir sveitarfélagsins í árslok 2012 námu 59,9% af árstekjum. . Samkvæmt samantekt Íslandsbanka frá því í febrúar 2013 var Grýtubakkahreppur eitt þeirra sveitarfélaga sem skulda lítið og stendur rekstur vel undir núverandi skuldsetningu miðað við gefnar forsendur. Þær upplýsingar voru unnar úr ársreikningum sveitarfélaganna fyrir árið 2011.