Fyrrverandi forstjóri Reykjalundar ráðinn bæjarstjóri

11.02.2020 - 12:52
Eyri, Heilsugæsla, HVEST, Ísafjörður, Öldrunarheimili, Rúv myndir, Sjúkrahús
 Mynd: Jóhannes Jónsson - RUV.IS
Meirihluti bæjarstjórnar Ísafjarðarbæjar hefur ákveðið að ráða Birgi Gunnarsson í starf bæjarstjóra Ísafjarðarbæjar. Birgir er fæddur árið 1963 og er uppalinn á Siglufirði og lauk þaðan grunnskólanámi. Hann er stúdent frá Fjölbrautaskóla Norðurlands vestra á Sauðárkróki og rekstrarfræðingur frá Háskólanum á Bifröst. Því til viðbótar lauk hann námi í rekstri og stjórnun frá Háskólanum í Gautaborg. 

Birgir var forstjóri Reykjalundar endurhæfingarmiðstöðvar í Mosfellsbæ þangað til í fyrra. Þar áður var hann forstjóri á Heilbrigðisstofnuninni á Sauðárkróki, frá 1991-2007. 

Birgir hefur gegnt ýmsum trúnaðarstörfum s.s. setið stjórn Norræna heilbrigðisháskólans í Gautaborg, verið formaður Landssambands heilbrigðisstofnana, formaður Félags forstöðumanna heilbrigðisstofnana og ýmislegt fleira.

Birgir mun hefja störf 1. mars en ráðningin er með fyrirvara um samþykki bæjastjórnar sem kemur næst saman 20. febrúar.

Jón Hákon Halldórsson
Fréttastofa RÚV
Síðast:
Þessi þáttur er í hlaðvarpi