Fóru óvarlega með eld í íbúðinni

Mynd með færslu
 Mynd: RÚV
Lögreglan á höfuðborgarsvæðinu hefur lokið rannsókn á bruna í íbúð fjölbýlishúss í Jórufelli í Reykjavík aðfaranótt sunnudags.  

Rannsóknin leiddi í ljós að eldurinn kviknaði í svefnherbergi þar sem farið var óvarlega með eld. Tveir unglingspiltar voru heima við þegar kviknaði í, en þeir náðu að komast út úr íbúðinni. Öðrum íbúum í stigaganginum var gert að yfirgefa íbúðir sínar á meðan slökkviliðið réði niðurlögum eldsins. 

Íbúðin þar sem eldurinn kom upp er töluvert skemmd, segir í tilkynningu lögreglu. 
 

andriyv's picture
Andri Yrkill Valsson
Fréttastofa RÚV
Síðast:
Þessi þáttur er í hlaðvarpi