Athugið þessi frétt er meira en 7 ára gömul.

Flugvél Landhelgisgæslunnar kölluð heim

18.08.2014 - 14:25
Mynd með færslu
 Mynd:
Landhelgisgæslan hefur ákveðið að kalla eftirlitsflugvélina TF-SIF heim frá útlöndum vegna virkninnar í Bárðarbungu. Vélin hefur verið notuð við landamæragæslu á sunnanverðu Miðjarðarhafi. Von er á flugvélinni til Íslands eftir hádegi á morgun.

TF-SIF er búin ratsjám, myndavélum og öðrum tækjabúnaði sem hentar mjög vel til eftirlits með gosvirkni og hefur sá búnaður sannað gildi sitt við eldsumbrot, segir í tilkynningu frá Landhelgisgæslunni.