Félagsmenn VR samþykktu kjarasamninga

24.04.2019 - 11:07
Mynd með færslu
 Mynd: Hólmfríður Dagný Friðjónsd
Kjarasamningur VR við SA var samþykktur með 88,35% atkvæða, en já sögðu 6.277 félagsmenn og nei 700, eða 9,85%. Auð atkvæði voru 127 eða 1,7%. Á kjörskrá um samning VR og SA voru 34.070 félagsmenn og greiddu 7.104 atkvæði, og var kjörsókn því 20,85%. Þetta kemur fram á vef VR. 

Kjarasamningur VR við Félag atvinnurekenda (FA) var samþykktur með 88,47% atkvæða, en já sögðu 399 félagsmenn og nei 47, eða 10,42%. Auð atkvæði voru 5 eða 1,1%. Á kjörskrá um saming VR og FA voru 1.699 félagsmenn og greiddu 451 atkvæði, og var kjörsókn því 26,55%.

Atkvæðagreiðslan var rafræn á vr.is og var haldin dagana 11.-15. apríl. Niðurstöður atkvæðagreiðslunnar eru birtar í dag, miðvikudaginn 24. apríl, samhliða niðurstöðum annarra félaga.

Eins og greint var frá í morgun samþykktu öll aðildarfélög Starfsgreinasambandsins kjarasamningana. 
 

 

Jón Hákon Halldórsson
Fréttastofa RÚV
Síðast:
Þessi þáttur er í hlaðvarpi