Dagar sóleyjanna koma

Mynd: Hólmfríður Helga Sigurðardó / Hólmfríður Helga Sigurðardó

Dagar sóleyjanna koma

07.02.2016 - 12:44

Höfundar

Dagar sóleyjanna koma heitir fyrsta ljóðabók Hólmfríðar Sigurðardóttur fyrrum kennara sem komin er á níræðisaldur. Eftir að hafa alið upp stóran barnahóp og verið sérkennari í Safamýrarskóla um árabil tók Hólmfríður að safna saman ljóðum og textabrotum sem hún í gegnum tíðina hafði sett niður á tækifæriskort eða snepla, eins og hún kallar það, við margvísleg tækifæri, jafnframt hélt hún áfram á yrkja ljóð um börn sín og vini, eigin bernsku og margbreytileika náttúrunnar á ólíkum tímum árs.

Afkomendur Hólmríðar hafa löngum hvatt hana til að gefa út bók með ljóðum sínum en börn hennar og barnabörn hafa sum gert skáldskap og texta að lífsstarfi. Að endingu tókst þeim að sannfæra hana um að ljóðin ættu erindi á bók og nú fyrir jólin kom út ljóðabókin Dagar sóleyjanna koma sem er hending úr ljóði í fyrsta hluta bókarinar.

Hólmfríður Sigurðardóttir tók á móti þáttastjórnanda þáttarins Orð*um bækur í síðustu viku, sagði frá bókinni og las nokkur ljóð.

Þegar bókin kom út, skreytt kápumynd eftir Hólmfríði, var hún að vonum glöð og tók til við að setja eintök af bókinni í umslög til að gefa vinum og fjölskyldu enda bókin tileinkuð fjölskyldunni.

Góð viðbrögð við bókinn hafa svo nú sannfært Hólmfríði um að bókin fái að halda út í heim og mun hún von bráðar verða fáanlega í bókabúðum og á bókasöfnum.