Athugið þessi frétt er meira en mánaðargömul.

Bláfjallavegi lokað varanlega á morgun

03.02.2020 - 14:22
Mynd með færslu
 Mynd: Mynd: Vegagerðin
Vegagerðin mun á morgun varanlega loka Bláfjallavegi, frá Bláfjallaleið að hellinum Leiðarenda, vegna vatnsverndarsjónarmiða. Lokunin tekur gildi klukkan 15.

Á heimasíðu Vegagerðarinnar kemur fram að um þennan veghluta er lítil umferð, auk þess sem vegurinn er ekki þjónustaður á veturna. Víða eru brattir vegfláar og því hætta á að bílar velti með tilheyrandi hættu á olíumengun. Talið er mikilvægt að huga að vatnsvernd og grípa inn í áður en hugsanlegt óhapp verður, en Bláfjallavegur liggur að stórum hluta innan vatnsverndarsvæðis.

Aðalleiðin í Bláfjöll liggur frá Suðurlandsvegi. Vegagerðin mun lagfæra vegsvæðið á þeim kafla til að minnka hættu á slysum til muna, segir á heimasíðunni.

andriyv's picture
Andri Yrkill Valsson
Fréttastofa RÚV