Mynd: EPA-EFE - EFE
Athugið þessi frétt er meira en 1 ára gömul.
Bein loðfíla í gildrum fornmanna
Bein að minnsta kosti fjórtán loðfíla hafa fundist í Mexíkó í gryfjum sem menn grófu fyrir um 15 þúsund árum. Tveir fílapyttir sem fundust í Tultepec norður af Mexíkóborg eru fyrstu loðfílagildrurnar sem fundist hafa. Talið er að menn hafi rekið dýrin ofan í gryfjurnar með kyndlum og pískum. Í þeim fundust um 800 mammútabein og rannsóknir á þeim gætu kollvarpað hugmyndum um veiðiaðferðir fornmanna.
Á vef breska útvarpsins BBC segir að fornleifafræðingar hafi áður talið að menn hafi aðeins drepið mammúta sem voru þegar særðir eða í sjálfheldu en pyttirnir sýni að þeir voru veiddir af ráðnum hug. Gryfjurnar eru um tuttugu og fimm metrar í þvermál og um einn komma sjö metrar á dýpt.
