Athugið þessi frétt er meira en 4 ára gömul.

Atvinnuleysi ekki minna frá upphafi mælinga

24.08.2017 - 09:29
Mynd með færslu
 Mynd: Anton Brink RÚV - RÚV Anton Brink
Atvinnuleysi hefur ekki verið minna en það er nú frá því Hagstofa Íslands hóf samfelldar mælingar á atvinnuleysi í vinnumarkaðsrannsóknum sínum árið 2003. Eitt prósent vinnuafls var án vinnu í síðasta mánuði. 2.100 voru án vinnu og í atvinnuleit. Það er 2.000 manns færra en í sama mánuði í fyrra, þegar atvinnuleysið mældist tvö prósent.

Þegar búið er að taka mið af árstíðabundnum sveiflum, mælist atvinnuleysi 1,8 prósent. Það er lækkun frá árstíðaleiðrétti atvinnuleysismælingu frá í júlí í fyrra þegar 2,5 prósent voru án vinnu og í atvinnuleit. 

Atvinnuþátttaka dróst saman um 2,5 prósentustig milli ára en starfandi fólki fjölgaði þó um 1.900 manns. 40.400 standa utan vinnumarkaðar, það er 6.900 fleiri en í júlí í fyrra.

Fréttin var uppfærð klukkan 10:34.