Áhöfninni á togaranum tókst að stöðva rekið

14.10.2016 - 09:32
Mynd með færslu
 Mynd: Helgi Seljan - Mynd
Talsverður viðbúnaður var eftir að tilkynning barst um að íslenskan togara ræki vélarvana að landi við Dyrhólaey um hálf tíu í morgun. Þyrla Landhelgisgæslunnar var kölluð út sem og lögreglan á Hvolsvelli og björgunarsveitir í Vestmannaeyjum og Vík. Áhöfninni tókst að stöðva rekið þegar skipið var aðeins um fjóra til fimm kílómetra vestur af Dyrhólaey þaðan sem skipið sést vel.

Samkvæmt tilkynningu frá Landhelgisgæslunni er ástandið eins tryggt og hugsast getur en 27 manna áhöfn er um borð. Þar segir enn fremur að von sé á dráttarskipi frá Vestmannaeyjum og að búist sé við því að það verði komið að togaranum klukkan 10:30. 

Tilkynning Landhelgisgæslunnar. 

Stjórnstöð LHG barst upp úr kl 0930 í morgun uppkall frá íslensku fiskiskipi sem statt var grunnt vestur af Dyrhólaey. 

Skipið átti í vélarvandræðum.

Samstundis var áhöfn þyrlu, björgunarsveitir Landsbjargar í Vestmannaeyjum og Suðurlandi auk dráttarskips frá Vestmannaeyjum kölluð út, þá var næsta skip við vettvang kallað til aðstoðar.

Fiskiskipið setti út akkeri sem heldur, veður og sjólag á svæðinu er gott.

Áætlað er að skip sem mun ráð við að draga fiskiskipið verði komið að honum um kl 1030.

 

 

 

 

freyrgigja's picture
Freyr Gígja Gunnarsson
Fréttastofa RÚV
Síðast:
Þessi þáttur er í hlaðvarpi