30 vilja stöðu bæjarstjóra í Hafnarfirði

Mynd með færslu
 Mynd:
30 sóttu um stöðu bæjarstjóra í Hafnarfirði, en umsóknarfrestur rann út 13. júlí. Bæjarstjórn Hafnarfjarðar samþykkti á fundi sínum þann 18. júní að auglýsa stöðu bæjarstjóra lausa til umsóknar og fól bæjarráði ábyrgð á ráðningarferlinu

 Skipuð var þriggja manna valnefnd sem fékk það hlutverk að greina starfið, skilreina hæfniskröfur, stýra matsferlinu og meta hæfi umsækjenda.

„Við byrjum viðtöl á næstu dögum, það eru margir hæfileikaríkir umsækjendur á listanum og vil ég þakka öllum sem sóttu um fyrir áhugann - við eigum skemmtilegt en krefjandi verkefni fyrir höndum að velja bæjarstjóra fyrir Hafnarfjörð,“ er haft eftir Rósu Guðbjartsdóttur, formanni bæjarráðs Hafnarfjarðar í fréttatilkynningu.

Listi yfir umsækjendur hefur verið birtur á heimasíðu bæjarins.

Síðast:
Þessi þáttur er í hlaðvarpi