Mbappe er markahæsti leikmaður mótsins með fimm mörk, en næstu menn hafa skorað þrjú. Skoraði hann tvö glæsileg mörk er hann lék á als oddi í 3-1 sigri Frakka gegn Pólverjum í 16 liða úrslitum.

Í gær rauf framherjinn knái þögn sína á mótinu, en hann hafði þar til þá ekki rætt við fjölmiðlamenn. Meðal annars mætti hann ekki í viðtal eftir að hafa hlotið viðurkenningu sem maður leiksins í tveimur leikjum í riðlakeppni mótsins. Var hann einnig valinn maður leiksins gegn Pólverjum og ræddi því við fjölmiðla.

Sagðist hann vilja vera fulla einbeitingu á leikjum Frakka á mótinu í stað þess að ræða við fjölmiðla. Líklegt þykir að Frakkar verði sektaðir fyrir fjarveru Mbappe í viðtölum hingað til, en Mbappe hefur sagst ætla greiða sektina sjálfur.

Enn sem komið er er óvíst hver ástæðan fyrir fjarveru Mbappe er.

Uppfært 16:35

Talið er að Mbappe sé í endurheimt og meðhöndlun hjá teymi liðsins vegna ökklameiðsla sem hafa hrjáð hann á mótinu.