Athugið þessi frétt er meira en 2 mánaða gömul.

Heimsglugginn: Ekkert lát á mótmælum í Íran

Mynd: EPA-EFE / EPA
Tugir, ef ekki hundruð, liggja í valnum eftir mótmæli í Íran síðustu vikur. Mótmælin beinast meðal annars gegn hörðum reglum klerkastjórnarinnar um klæðaburð kvenna. Kveikjan að mótmælunum er andlát Mahsa Amini, ungrar kúrdískrar konu í höndum siðgæðislögreglu, sem þótti hún ekki bera höfuðslæðu sína rétt.

Mótmælin eru mjög víðtæk, ná til alls landsins og allra stétta og konur í aðalhlutverki. Yfirvöld hafa brugðist við af mikilli hörku og hafa lokað fyrir internetið, án þess að það hafi tekist að fullu. 

Heimsglugginn

Björn Þór Sigbjörnsson og Bogi Ágústsson ræddu þetta í Heimsglugganum á Morgunvaktinni á Rás 1 og einnig stöðuna í breskum stjórnmálum eftir landsfund Íhaldsflokksins og kosningabaráttu í Danmörku sem er hafin fyrir þingkosningar sem Mette Frederiksen forsætisráðherra boðaði 1. nóvember.