Athugið þessi frétt er meira en 2 mánaða gömul.

Bjarni hættir sem forstjóri Orkuveitunnar

26.09.2022 - 22:09
Mynd með færslu
 Mynd: Aðsent
Bjarni Bjarnason, forstjóri Orkuveitu Reykjavíkur, hefur sagt upp störfum.

Í tilkynningu frá Orkuveitunni kemur fram að Bjarni hafi lagt fram uppsögn sína á fundi stjórnarinnar í dag.

Bjarni hyggst láta af störfum 1. mars, þegar tólf ár eru liðin síðan hann tók fyrst við starfi forstjóra. Hann segir að með því að boða starfslok með góðum fyrirvara gefist stjórn Orkuveitunnar tækifæri til að hefja leit að arftaka hans.

Ný stjórn tekur fljótlega við taumum hjá Orkuveitu Reykjavíkur og Bjarni segist búast við því að þá fari í hönd stefnumótun fyrir samstæðuna til næstu ára. Hann telur mikilvægt að sú stefnumótun vinnist með eftirmanni hans. Stjórn Orkuveitunnar féllst á erindi Bjarna og þakkaði góðan fyrirvara til að finna fyrirtækinu nýjan forstjóra.