Athugið þessi frétt er meira en 2 mánaða gömul.

Þungunarrofsdómurinn sem gæti breytt heimsmyndinni

28.06.2022 - 14:40
Mynd með færslu
 Mynd: CBS
Rétturinn til þungunarrofs er ekki lengur varinn í stjórnarskrá Bandaríkjanna eftir að nýr Hæstiréttur ógilti rúmlega fimmtíu ára gamlan dóm á jónsmessunni, Roe gegn Wade. Þessi 350 milljóna þjóð fékk þarna enn einn fleyginn á milli sín. Fólk ýmist grætur af gleði eða sorg, yfir því að réttur kvenna til að hafa vald yfir eigin líkama vegur ekki lengur eins þungt og réttur fósturs til þroska.

Ríkisstjóri Mississipi sagði þennan gleðidag gera það að verkum að fleiri barnavagnar myndu sjást á götunum og fleiri einkunnaspjöld yrðu afhent. Forseti Bandaríkjanna sagði þetta sorgardag í sögu þjóðarinnar og Hæstaréttar. Í Þetta helst lítum við yfir söguna, Roe gegn Wade, og tengsl hennar við þessa skrítnu tíma sem skella nú á bandarísku þjóðina.