Athugið þessi frétt er meira en 1 mánaða gömul.

Norðaustan kaldi og vætusamt í dag

27.06.2022 - 07:08
Innlent · veður · Veður
Mynd með færslu
 Mynd: Kristín Sigurðardóttir - RÚV
Í dag verður norðaustan kaldi og fremur svalt. Það verður rigning með köflum um norðan- og austanvert landið en skúraveður suðvestanlands, einkum síðdegis.

Á morgun verður austlæg eða breytileg átt, 3-8 metrar, og skúrir á víð og dreif. Norðaustan 8-13 með rigningu suðaustan til. Hiti yfirleitt 10-16 stig. 

Útlit er fyrir fremur hæga norðanátt á miðvikudag, dálitla vætu austanlands og líklega þokuloft við norðurströndina. Það verður bjart með köflum á suðvestanverðu landinu en þar má búast við stöku síðdegisskúrum. Hiti 8-18 stig, hlýjast á Suðvesturlandi. 

ingibjorgsg's picture
Ingibjörg Sara Guðmundsdóttir
Fréttastofa RÚV