Mynd: Fréttir
Athugið þessi frétt er meira en 2 mánaða gömul.
Milljónir glatað frelsinu til að stjórna eigin líkama
Guðni Th. Jóhannesson forseti Íslands, birti fyrir stundu færslu á Twitter þar sem hann bregst við úrskrurði Hæstaréttar Bandaríkjanna um að fella úr gildi réttindi kvenna til þungunarrofs.
Guðni segir að milljónir hafi í dag glatað frelsinu til þess að stjórna eigin líkama og framtíð. Hann segir úrskurðinn alvarlegt bakslag þegar kemur að heilsu barnshafandi kvenna og almennum mannréttindum í Bandaríkjunum.
Guðni segist taka undir með Katrínu Jakobsdóttur forsætisráðherra, sem tísti fyrr í dag um að mikilvægt væri að víkka út réttindi kvenna í stað þess að þrengja að þeim, líkt og Hæstiréttur Bandaríkjanna hefði gert með ákvörðun sinni.
Katrín segist vera afar vonsvikin og að þessi ákvörðun Hæstaréttar nísti beint í hjartastað.
Today millions of people lost the freedom to control their own bodies and future. A serious setback for reproductive health and human rights in the USA. As Prime Minister @KatrinJak says, we should be expanding women’s rights, not restricting them #RoeVsWade https://t.co/004M8Rorfx
— President of Iceland (@PresidentISL) June 24, 2022
Gravely disappointed and heartbroken to see the US Supreme Court overturning #RoeVsWade. We should be expanding women’s rights, not restricting them.
— Katrín Jakobsdóttir (@katrinjak) June 24, 2022
