Athugið þessi frétt er meira en 1 mánaða gömul.

Stríðið í Úkraínu eykur enn á flóttamannavanda heimsins

epa09964974 Local people charge their cellphones outside the destroyed Drama Theatre in Mariupol, Ukraine, 21 May 2022 (issued 22 May 2022). The Chief spokesman of the Russian Defense Ministry, Major General Igor Konashenkov, said on 20 May that the long-besieged Azovstal steel plant in Mariupol was under full Russian army control.  EPA-EFE/ALESSANDRO GUERRA
 Mynd: EPA-EFE - EPA
Innrás Rússa í Úkraínu hefur orðið til þess að fjöldi fólks á flótta í heiminum er kominn yfir hundrað milljónir og hefur aldrei verið meiri að mati Flóttamannastofnunar Sameinuðu þjóðanna. Rússar segjast tilbúnir til friðarviðræðna við Úkraínumenn.

Á seinasta ári voru níutíu milljónir manna á flótta undan stríðsátökum í Mjanmar, Eþíópíu, Afganistan, Nígeríu og fleiri löndum. Frá því Rússar réðust inn í Úkraínu hafa sex milljónir yfirgefið landið og átta milljónir eru á vergangi innanlands. 

Rússar segjast tilbúnir til viðræðna

Vladimir Medinsky, aðalsamningamaður Rússlandsstjórnar, kveðst reiðubúinn til friðarviðræðna við Úkraínumenn en segir frumkvæðið þurfa að koma þaðan.

Þetta kom fram í viðtali við hann á hvítrússneskri sjónvarpsstöð þar sem hann sagði Úkraínumenn hafa stöðvað viðræðurnar. Fulltrúar ríkjanna hafa rætt nokkrum sinnum saman, bæði augliti til auglitis í Tyrklandi og á fjarfundum. Enn hefur enginn árangur náðst.

Samvinna við landamæraeftirlit

Volodymyr Zelensky Úkraínuforseti segir að fimmtíu til hundrað úkraínskir hermenn falli í valinn á hverjum einasta degi. Einkum sé mannfallið mikið í austanverðu landinu þar sem harðir bardagar eru nú háðir.

Þetta kom fram á sameiginlegum á blaðamannafundi forsetans og Andrzejs Duda forseta Póllands í gær. Hann ávarpaði þingið í Kyiv, fyrstur þjóðarleiðtoga frá upphafi innrásar.

Zelensky segir þá hafa komist að samkomulagi um að tryggja vöruflutninga milli landanna með sameiginlegu tolleftirliti við landamærin. Zelensky segir byltingarkennt skref hafa verið stigið sem geri allt landamæraeftirlit mun auðveldara en áður. 

Ríkisfjölmiðlar í Rússlandi hafa nokkuð gert því skóna undanfarið að kjarnavopnum kunni að verða beitt í Úkraínu.

Norska ríkisútvarpið hefur eftir Sverre Diesen, fyrrverandi varnarmálastjóra landsins, að allt slíkt tal sé hreinn áróður sem hvorki hafi pólitíska né hernaðarlega þýðingu.