Mynd: AP
Verðbólga í Rússlandi í hæstu hæðum
Verðbólga hefur farið hækkandi á Vesturlöndum að undanförnu og er víða hærri en hún hefur verið í Áratugi. Er þetta ekki síst rakið til Úkraínustríðsins. Í Rússlandi er það sama uppi á teningnum. Þar fór verðbólgan í síðasta mánuði upp í 17,83 prósent á ársgrundvelli, segir í frétt AFP, og hefur ekki verið meiri síðan í janúar 2002.
Mánaðarverðbólgan lækkaði þó á milli mánaða. Hún var 1,56 prósent í apríl en 7,61 prósent í mars og hefur ekki verið hærri síðan 1991. Helstu ástæður verðbólgunnar eru sagðar víðtækar refsiaðgerðir Vesturlanda og veiking rúblunnar og minnkandi vöruframboð af völdum þeirra aðgerða.
