Þar segir að í ljósi þess hversu fáir hafi greinst í hraðaprófum síðustu daga hafi verið tekin ákvörðun um að leggja niður sýnatöku fyrir keppendur, fjölmiðla og alla þá sem koma að keppninni. 

Frá og með morgundeginum, 12.maí, þurfa aðeins þeir einstaklingar sem eru með covid einkenni að fara í sýnatöku á staðnum til að mega fara inn á keppnina. 

Heilbrigðisyfirvöld í Tórínó hafa brýnt fyrir öllum að gæta að sóttvörnum, halda metra fjarlægð, þvo hendur og bera grímur fyrir vitum sé þess þörf. 

Því er öruggt að Systur koma fram á úrslitakvöldinu á laugardaginn. 

• Sjá einnig: Ítalía vann Eurovison - Ísland í fjórða sæti 

Smit greindist í hóp Daða og gagnamagnsins í fyrra fyrir keppnina sem varð til þess að hópurinn fékk ekki að stíga á svið í aðalkeppninni. Ísland var eina landið sem lenti í því í fyrra en sýnd var upptaka frá dómararennsli í staðinn. Ísland hafnaði engu að síður í fjórða sæti á úrslitakeppninni í Rotterdam í Hollandi.