Athugið þessi frétt er meira en 4 mánaða gömul.

SAS segir 300 áhafnarmeðlimum upp

05.05.2022 - 18:29
epa02869310 (FILE) A file photo dated 03 February 2009 showing Scandinavian airline SAS MD-80 and Boeing 737 aircrafts parked at the gates at terminal 4 at Arlanda Airport north of Stockholm, Sweden. The SAS Group, operator of the joint carrier
Scandinavian Airlines, 17 August 2011 reported a net profit for the second
quarter of 2011, citing cost-cutting efforts and more passengers. The net profit of 551 million kronor (86 million dollars) compared to a net loss of 502 million kronor in the same quarter last year.  EPA/JOHAN NILSSON / SCANPIX SWEDEN OUT
 Mynd: EPA - Scanpix
300 af 500 áhafnarmeðlimum skandinavíska flugfélagsins SAS verður sagt upp nú þegar tveggja ára orlofi sem þau féllust á að taka í byrjun faraldursins er lokið. Á meðan hefur félagið ráðið inn nýja áhafnarmeðlimi fyrir dótturfélag sitt.

Flugrekstur hefur verið afar erfiður síðustu tvö ár. Flest öll flugfélög í heiminum þurftu að segja nánast öllu starfsfólki sínu upp þegar kórónuveirufaraldurinn skall á enda lömuðust flugsamgöngur á örskömmum tíma. Danska ríkisútvarpið greinir frá. 

SAS sagði alls upp fimm þúsund starfsmönnum meðan á faraldrinum stóð. Yfir 500 áhafnarmeðlimir flugfélagsins völdu af sjálfsdáðum að fara í launalaust leyfi í tvö ár til að forðast uppsögn og í von um að geta snúið aftur til starfs síns þegar flugsamgöngur kæmust í eðlilegt horf. Þetta sparaði SAS launakostnað á uppsagnartímabilinu.

Nú þegar flugsamgöngur eru farnar á fullt aftur hefur 300 af þessum 500 starfsmönnum verið tjáð að þau fái ekki að koma aftur til starfa þegar leyfinu lýkur þann 1. júní næstkomandi. Starfsmennirnir fengu sent uppsagnarbréf í dag. 

Ekki þörf fyrir svo marga starfsmenn

SAS vil meina að ástæða uppsagnanna sé sú að ekki sé þörf á öllu þessu starfsfólki hjá félaginu. Á sama tíma hefur SAS ráðið inn áhafnarmeðlimi til nýrra dótturfélaga sinna, Connect og Link, þar sem aðrir samningar gilda. Samkvæmt stéttarfélagi flugáhafna í Danmörku, CAU, eru kjörin töluvert lakari en það sem gengur og gerist. CAU hefur dregið SAS fyrir vinnudómstóla vegna samninganna. 

SAS er í miklum fjárhagsvandræðum og hefur enn ekki náð sér á strik eftir faraldurinn þrátt fyrir milljarða aðstoð frá bæði danska og sænska ríkinu.

urduro's picture
Urður Örlygsdóttir