Athugið þessi frétt er meira en 4 mánaða gömul.

Lést í snjóflóðinu í Svarfaðardal

Mynd með færslu
 Mynd: RÚV - Ágúst Ólafsson
Bandarísku ferðamennirnir sem lentu í snjóflóði í Svarfaðardal eru allir fæddir 1988. Þeir eru allir vanir fjallamenn og voru vel búnir. Allir hlutu þeir alvarlega áverka í slysinu og var einn þeirra látinn þegar að var komið.

Hinir voru fluttir á Sjúkrahúsið á Akureyri og annar þeirra síðan á Landspítalann. Frekari upplýsingar um afdrif hans liggja ekki fyrir á þessu stigi, segir í tilkynningu frá Lögreglunni á Norðurlandi eystra.

Þar segir að viðbragðsteymi Rauða krossins hafi verið kallað út og fóru nokkrir félagar þess til Dalvíkur til að líta til með þeim viðbragðsaðilum sem fyrstir komu á vettvang.

„Nokkurn tíma tók að afla upplýsinga um nánustu aðstandendur þess látna í Bandaríkjunum. Er þær upplýsingar lágu fyrir í nótt var óskað eftir aðstoð hjá sendiráði Bandaríkjanna við að tilkynna aðstandendum um andlátið. Maðurinn sem lést var einhleypur og barnlaus. Hefðbundin slysarannsókn heldur áfram en ekki er hægt að segja hvenær niðurstöður hennar liggja fyrir.“