Mynd: EPA-EFE
Athugið þessi frétt er meira en 4 mánaða gömul.
Olíuverð lækkaði á mörkuðum í dag
Olíuverð lækkaði um yfir fimm prósent á mörkuðum í dag. Ástæður lækkunarinnar eru meðal annars raktar til minnkandi eftirspurnar vegna viðbragða helstu banka ýmissa ríkja við vaxandi verðbólgu. Eins hafa nokkur ríki tilkynnt um að gripið verði til varabirgða olíu.
AFP-fréttaveitan greinir frá þessu. Verð á Brent Norðursjávarolíu til afhendingar í júní lækkaði um 5,2 af hundraði niður í 101,07 bandaríkjadali tunnan. Verðið á svokallaðri WTI eða West Texas Intermediate-olíu til afhendingar í maí lækkaði um 5,6 prósent.
