Athugið þessi frétt er meira en 3 mánaða gömul.

Hildur nýr oddviti Sjálfstæðisflokksins

Mynd með færslu
 Mynd: RÚV
Hildur Björnsdóttir borgarfulltrúi er nýr oddviti Sjálfstæðisflokksins í Reykjavík og mun leiða flokkinn í borgarstjórnarkosningunum í vor í stað Eyþórs Arnalds, sem ekki bauð sig fram að nýju. Hún lenti i fyrsta sæti í prófkjöri flokksins í borginni, sem fram fór um helgina. Hildur hlaut 2.603 atkvæði í 1. sætið, eða 47 prósent greiddra atkvæða.

Í öðru sæti er Ragnhildur Alda María Vilhjálmsdóttir, sem fékk 2.257 atkvæði í fyrsta og annað sæti. Kjartan Magnússon varð þriðji, en hann uppskar 1.815 atkvæði í 1. – 3. sæti.

Marta Guðjónsdóttir lenti í fjórða sæti, Björn Gíslason í því fimmta og Friðjón R. Friðjónsson endaði í sjötta sætinu.

Helgi Áss Grétarsson hreppti sjöunda sætið, Sandra Hlíf Ocares það áttunda en í níunda sætinu er Jórunn Pála Jónasdóttir . 

Alls kusu 5.545 í prófkjörinu.