Mynd: RÚV - Eggert Þór Jónsson
Athugið þessi frétt er meira en 6 mánaða gömul.
Hellisheiði og Þrengsli enn lokuð
Vegir eru víða lokaðir vegna óveðursins sem gekk yfir landið í gærkvöld. Enn eru appelsínugular og gular veðurviðvaranir í gildi um mest allt landið og verða fram eftir degi.
Hellisheiði og Þrengsli lokuð til hádegis
Mjög hvasst er á suðvesturhorninu og færð víða þung. Hellisheiði er lokuð sem og Þrengsli en Vegagerðin metur á hádegi hvort opnað verður fyrir umferð.
Björgunarsveitir fluttu um hundrað manns í fjöldahjálparmiðstöð Rauða krossins í Grunnskóla Þorlákshafnar þegar bílar þeirra festust á Þrengslavegi í óveðrinu í gærkvöld.
Mosfellsheiði er lokuð og þar verður staðan metin klukkan tvö í dag. Suðurstrandarvegur er lokaður frá Festarfjalli til Þorlákshafnar.
Á Suðurlandi er hluti af hringveginum lokaður, frá Steinum til Víkur í Mýrdal.
