Athugið þessi frétt er meira en 4 mánaða gömul.

Skipverjinn fannst látinn

26.01.2022 - 14:43
Mynd með færslu
 Mynd: Kristinn Þeyr Magnússon - RUV
Karlmaður fannst látinn í sjónum norðan Sæbrautar í Reykjavík um hálftvöleytið í dag. Umfangsmikil leit hafði staðið að manninum í um klukkustund en leit hófst fljótlega eftir að tilkynnt var um mannlausan bát sem fannst í fjörunni í Engey á ellefta tímanum í morgun. Samkvæmt upplýsingum frá lögreglu er rannsókn málsins á frumstigi.

Leit hófst fljótlega eftir hádegi en ábending barst stjórnstöð Landhelgisgæslunnar í morgun um að bátur væri strandaður við Engey. Talið var að einn væri um borð í bátnum en þegar björgunarskip kom á staðinn kom í ljós að báturinn var mannlaus. Þyrla landhelgisgæslunnar hóf strax leit og sjóbjörgunarbátar frá björgunarsveitum á Kjalarnesi, Reykjavík, Kópavogi og Hafnarfirði sömuleiðis. Alls tóku um 20 björgunarsveitarmenn þátt í leitinni. 

Mynd með færslu
 Mynd: Kristinn Þeyr Magnússon - RUV
Bjarni Pétur Jónsson
Fréttastofa RÚV