Athugið þessi frétt er meira en 4 mánaða gömul.

EM í dag: Þrír leikir spilaðir í milliriðli 2

epa09698065 Players of Spain celebrate after winning the Men's European Handball Championship main round match between Germany and Spain in Bratislava, Slovakia, 20 January 2022.  EPA-EFE/MARTIN DIVISEK
 Mynd: EPA-EFE - EPA

EM í dag: Þrír leikir spilaðir í milliriðli 2

21.01.2022 - 10:12
Áfram er spilað í milliriðli 2 á Evrópumótinu í handbolta í dag. Þrír leikir eru á dagskrá og verða þeir allir sýndir á rásum RÚV.

Ísland spilar í milliriðli 1 og fær hvíldardag í dag en í milliriðli tvö eru Rússland, Svíþjóð, Þýskaland, Spánn, Pólland og Noregur. 

Klukkan 14:30: Spánn - Rússland
Klukkan 17:00: Pólland - Svíþjóð
Klukkan 19:30: Þýskaland - Noregur

Fyrsti leikur dagsins er viðureign Rússlands og Spánar. Hún hefst klukkan 14:30 og verður í beinni útsendingu á RÚV. Rússar mættu Svíum í gær og máttu þola 29-23 tap en Spánverjar höfðu hins vegar betur gegn nærri nýju þýsku liðið Alfreðs Gíslasonar en Þjóðverjar hafa verið að glíma við smit í sínum herbúðum. 

Klukkan 17 mætast lið Póllands og Svíþjóðar í beinni útsendingu á RÚV 2. Svíar unnu eins og áður sagði Rússa í fyrsta leik sínum í milliriðli en Pólverjar töpuðu stórt fyrir Noregi. 

Þriðji og síðasti leikur dagsins er svo viðureign Þýskalands og Noregs en bæði lið erum tvö stig í milliriðlinum fyrir leikinn. Leikurinn verður í beinni útsendingu á RÚV 2 og hefst klukkan 19:30.