Athugið þessi frétt er meira en 7 mánaða gömul.

Gylfi áfram í farbanni fram í apríl

Mynd með færslu
 Mynd: Mummi Lú - RÚV

Gylfi áfram í farbanni fram í apríl

20.01.2022 - 08:32
Knattspyrnumaðurinn Gylfi Þór Sigurðsson, sem er á mála hjá enska úrvalsdeildarfélaginu Everton, verður áfram laus samkvæmt skilyrðum og í farbanni fram til 17. apríl. 

Gylfi átti í fyrstu að vera laus en í farbanni fram í október, en það var  svo framlengt til 16. janúar. Lögreglan á Manchester-svæðinu framlengdi það svo um þrjá daga og bjuggust þá margir við að rannsóknin væri langt komin. Í skriflegu svari við fyrirspurn fréttastofu í morgun kemur hins vegar fram að nú hafi málið enn verið framlengt og Gylfi Þór nú áfram laus gegn skilyrðum og í farbanni í tæpa þrjá mánuði í viðbót.

Gylfi var handtekinn á heimili sínu um miðjan júlí. Hann hefur ekki verið nafngreindur í breskum fjölmiðlum af lagalegum ástæðum. Engar upplýsingar hafa fengist um hvers eðlis brotið er, annað en að það snúist um kynferðisbrot gegn ólögráða einstaklingi.

Gylfi Þór hefur ekki verið valinn í íslenska landsliðið eftir að málið kom upp.  Þá er hann ekki í þeim leikmannahópi Everton sem er gjaldgengur í ensku úrvalsdeildinni. Samningur hans við Everton rennur út í sumar.

Hvorki forsvarsmenn KSÍ né landsliðsþjálfari Íslands í knattspyrnu hafa viljað tjá sig um málið síðan það kom upp.

Tengdar fréttir

Íþróttir

Gylfi Þór laus gegn tryggingu til 16. janúar