Athugið þessi frétt er meira en 7 mánaða gömul.

Havana-heilkennið herjar enn á sendifulltrúa

epa09612743 U.S. Secretary of State Antony Blinken arrives for a NATO Foreign Ministers meeting in Riga, Latvia, 30 November 2021. From 30 November to 01 December 2021, Latvia is hosting a NATO Foreign Ministers meeting for the first time. To address current security challenges, NATO Allies are exchanging views on cooperation with partner countries and the European Union, and also begin their discussions on a new strategic concept for the Alliance.  EPA-EFE/TOMS KALNINS
 Mynd: EPA-EFE
Fjórir bandarískir sendifulltrúar í Genf og París hafa veikst af Havana-heilkenninu svokallaða. Það eru veikindi sem fyrst varð vart 2016 en um 200 tilkynningar um þau hafa borist bandarískum yfirvöldum.

Sendifulltrúarnir veiktust í fyrrasumar. Einn þeirra var fluttur í skyndi vestur um haf til meðferðar að því er segir í frétt breska ríkisútvarpsins. Heilkennið virðist eingöngu herja á opinbera starfsmenn sem eru í utanríkisþjónustu eða starfa að varnarmálum. 

Antony Blinken utanríkisráðherra Bandaríkjanna segir að orsakar veikindanna sé leitað af krafti. Óttast er að einhver andstæðingur Bandaríkjanna beini örbylgjum að starfsfólkinu.

Um helmingur þeirra sem veikst hafa starfa hjá leyniþjónustu Bandaríkjanna ásamt fjölskyldum þeirra. Hinn helmingurinn er starfsmenn varnarmála- og utanríkisráðuneyta.

Þá hafa kanadískir diplómatar á Kúbu fundið fyrir veikindum. Þau sem veikjast finna fyrir svima og mikilli þreytu mánuðum saman en Blinken segir að fátt sé enn vitað um uppruna veikindanna þrátt fyrir ítarlegar rannsóknir.

Talið er að Rússar, Kínverjar og Bandaríkjamenn sjálfir hafi gert tilraunir með notkun örbylgja í hernaðarskyni en Rússar hafna alfarið ásökunum um að þeir hafi beint slíkum vopnum að bandarískum erindrekum.