Blönduós Mynd: RÚV - Jóhannes Jónsson
Athugið þessi frétt er meira en 9 mánaða gömul.
Vilja sameiningarviðræður við Blönduósbæ
Mikill meirihluti kjósenda í sveitarfélaginu Húnavatnshreppi vill að hreppurinn fari í sameiningarviðræður við Blönduósbæ. Þetta er niðurstaðan í skoðanakönnun á vegum sveitarfélagsins sem fór fram samhliða þingkosningum. Tæp 65 prósent sögðu já, en 33 prósent sögðu nei.
Alls tóku 227 kjósendur þátt í skoðunarkönnuninni og þar af 39 utankjörfundar. Kjörstjórn taldi atkvæði og niðurstaðan varð eftirfarandi:
Já sögðu 147 eða 64.75 prósent.
Nei sögðu 76 eða 33,48
Auðir voru 4 eða 1,76 prósent.
