Athugið þessi frétt er meira en 1 mánaða gömul.

Nær allir skipverjar á Bylgju VE með COVID-19

25.09.2021 - 16:52
Mynd með færslu
 Mynd: RÚV
Stór hluti áhafnarinnar á ístogaranum Bylgju frá Vestmannaeyjum er smitaður af Covid-19. Aðeins lítill hluti áhafnarinnar er óbólusettur. Skipið var við veiðar sunnan við Látrabjarg þegar smit greindist í hraðprófi um borð.

Að sögn Agnars Guðnasonar skipstjóra um borð er enginn skipverjanna alvarlega veikur en smitið útbreitt meðal áhafnarinnar. Að hans sögn er aðeins stærstur hluti áhafnarinnar bólusettur. Fjórir eru ekki bólusettir. 

Þrettán eru um borð og hafa ellefu þeirra greinst smitaðir. Skipið er nú á Faxaflóa á leið til hafnar í Reykjavík þar sem sýni verða tekin úr skipverjum og í kjölfarið verður tekin ákvörðun um hvort að skipverjar fara í sóttvarnahús eða í sóttkví.

Uppfært 18:55. Í fyrri útgáfu var sagt að stór hluti áhafnarinnar væri óbólusettur. Hið rétta er að stór hluti hennar er bólusettur. Beðist er velvirðingar á þessum ruglingi.