Athugið þessi frétt er meira en 1 ára gömul.

Öll gögn tengd GAJU til VSÓ

17.09.2021 - 18:06
Mynd með færslu
 Mynd: Þór Ægisson
Jón Viggó Gunnarsson, framkvæmdastjóri Sorpu, segir unnið að því að fara í gegnum öll gögn sem tengjast byggingu GAJU, gas- og jarðgerðarstöðvarinnar í Álfsnesi.

Framkvæmdastjóri EFLU verkfræðistofu fullyrti við fréttastofu í gær að EFLA hefði í upphafi verkefnisins bent á að Sorpa tæki áhættu með efnisvali sínu og taldi uppbyggingu með öðrum efnum henta betur starfsemi GAJU. 

Í samtali við fréttastofu segir Jón Viggó að unnið sé að því að afla allra gagna er tengjast verkefninu. Þeim verður komið á framfæri við VSÓ ráðgjöf sem hefur verið falið að gera óháða úttekt á hvers vegna mygla er komin upp í þaki og burðarvirki stöðvarinnar, en starfsemi hennar hófst í fyrra.