Chelsea hóf titilvörnina á sigri

epa09468711 Chelsea's Romelu Lukaku (L) celebrates with Chelsea's Jorginho (R) after scoring the 1-0 lead during the UEFA Champions League group H soccer match between Chelsea FC and Zenit St. Petersburg in London, Britain, 14 September 2021.  EPA-EFE/Facundo Arrizabalaga
 Mynd: EPA-EFE - EPA

Chelsea hóf titilvörnina á sigri

14.09.2021 - 21:46
Fyrsti leikdagur Meistaradeildar Evrópu í fótbolta var í kvöld. Chelsea hóf titilvörn sína með sigri og Bayern München vann Barcelona næsta auðveldlega.

Barcelona menn voru að sjálfsögðu án Lionel Messi, sem gekk til liðs við PSG fyrir tímabilið. Það voru andstæðingarnir í þýska liðinu sem voru öflugra framan af í leiknum. Á 34. mínútu átti Thomas Müller stórgott skot fyrir utan teig sem að endaði í markinu. Markið var 49. mark Müller í Meistaradeildinni og skori hann eitt í viðbót verður hann einn af aðeins sjö leikmönnum sem hafa skorað 50 mörk eða fleiri í keppninni. Á 56. mínútu átti ungstirnið Jamal Musiala skot sem endaði í stönginni, markahrókurinn Robert Lweandowski var hins vegar vel vakandi, náði frákastinu og skoraði. Nánast sama uppskrift var á þriðja markinu á 84. mínútu, þá átti Serge Gnabry skot í stöngina, Lewandowski tók frákastið og skoraði. 3-0 fyrir Bayern reyndust lokatölur og þýska liðið byrjar keppnina af krafti. 

Ronaldo-lausir Juventus menn mættu Malmö í Svíþjóð en liðin eru með Chelsea og Zenit í riðli. Ronaldo leysið virtist þó ekki hrjá þeim og á 23. mínútu skoraði Alex Sandro fyrsta mark leiksins. Á 43. mínútu var Lasse Nielsen dæmdur brotlegur inni í vítateig og Juventus fékk víti. Paulo Dybala tókk spyrnuna og skoraði beint á markið, staðan orðin 2-0. Á uppbótamínútunum fyrri hálfleiks var Alvaro Morata svo á ferðinni inni í teig og kom ítalska liðinu í 3-0 rétt fyrir hálfleik. Enginn mörk voru skoruð í seinni hálfleik og lokatölru 3-0 fyrir Juventus. 

Chelsea hófu titilbaráttuna á 1-0 sigri, Villarreal og Atalanta gerðu 2-2 jafntefli og Dynamo Kyiv og Benfica og Lille og Wolfsburg gerðu markalaus jafntefli.

Drama í dagleikjunum

Meistaradeildin hófst með tveimur leikjum í dag og þar var dramatík.

Manchester-menn mættu reifir til leiks eftir góðan 4-1 sigur í síðustu umferð ensku úrvalsdeildarinnar þar sem Portúgalinn Cristiano Ronaldo, sem er nýgenginn aftur til liðs við félagið, virtist í fantaformi. Ronaldo var í byrjunarliði liðsins í dag og jafnaði þar með met Iker Casillas yfir flesta spilaða meistaradeildarleiki. Young Boys og United eru í F-riðli ásamt Villarreal og Atalanta og leikurinn byrjaði með látum. Stuðningsmenn Young Boys létu vel í sér heyra en á 13. mínútu átti Bruno Fernandes góða sendingu inn fyrir, þar var Ronaldo að sjálfsögðu mættur og skaut boltanum milli lappa David von Ballmoos, 1-0. Á 35. mínútu fór Aron Wan Bissaka niður í tæklingu sem dómara leiksins þótt helst til groddaraleg og sýndi honum rauða spjaldið. Vonir Young Boys því allt í einu orðnar talsvert meiri og strax í næstu sókn áttu þeir góða atlögu að markinu. Boltinn fór þó ekki inn og staðan 1-0 í hálfleik. Heimamenn mættu ferskir til leiks í seinni hálfleik og á 66. mínútu náðu þeir að nýta sér liðsmuninn þegar Nicolas Moumi Ngamaleu jafnaði fyrir Young boys á síðustu sekúndum leiksins gerði Jesse Lingard svo slæm mistök sem Jordan Siebatcheu nýtti sér og tryggði Young Boys ævintýralegan sigur. United mönnum hins vegar kippt harkalega niður á jörðina.

Á sama tíma áttust við Sevilla og Salzburg en liðin, auk Wolfsburg og Lille, leika í G-riðli. Strax á 11. mínútu fékk Sevilla dæmda á sig vítaspyrnu þegar Diego Carlos braut á Karim Adeyemi. Adeyemi fór sjálfur á punktinn og það fór ekki betur en svo að hann skaut framhjá. Þetta átti þó ekki eftir að vera síðasta vítaspyrna kvöldsins. Á 21. mínútu braut Jesús Navas nefnilega á Adeyemi inni í teig og annað víti til Salzburgar manna. Hinn 19 ára gamli Lyka Sucic fór á punktinn og skoraði örugglega. Hann var hins vegar ekki jafn öruggur stundarfjórðungi seinna þegar Salzburg fékk þriðja vítið eftir enn eitt brotið á Adeyemi. Sucic mætti á punktinn enn að þessu sinni fór boltinn í stöngina. Á 41. mínútu var svo komið að Sevilla að fá vítaspyrnu. Króatinn Ivan Rakitic tók spyrnuna og skoraði af öryggi, staðan því 3-1 í vítum en 1-1 í mörkum þegar liðin gengu til búningsklefa. Á 50. mínútu fékk Youssef En-Nesyri sitt annað gula spjald og þar með rautt og Sevilla menn spiluðu manni færri það sem eftir lifði leiks. 1-1 voru hins vegar lokatölur. 

Áfram verður spilað í Meistaradeildinni á morgun.