Athugið þessi frétt er meira en 7 mánaða gömul.

Sjö sækja um starf forstjóra Sjúkrahússins á Akureyri

Mynd með færslu
 Mynd: Eva Björk Benediktsdóttir - RÚV
Alls bárust sjö umsóknir til heilbrigðisráðuneytis um starf forstjóra Sjúkrahússins á Akureyri. Umsóknarfrestur rann út þann 12. júlí síðastliðinn.

Meðal umsækjenda eru Jón Magnús Kristjánsson, fyrrverandi yfirlæknir bráðadeildar Landspítalans, og Hildigunnur Svavarsdóttir, framkvæmdastjóri hjúkrunar hjá Sjúkrahúsinu á Akureyri.

Þriggja manna hæfnisnefnd, sem starfar á grundvelli 9. gr. laga um heilbrigðisþjónustu nr. 40/2007, mun nú meta hæfni umsækjanda.

 

Umsækjendur um starfið eru eftirfarandi, í stafrófsröð:

  • Einar Örn Thorlacius, lögfræðingur
  • Guðmundur Magnússon, framkvæmdarstjóri
  • Hildigunnur Svavarsdóttir, framkvæmdastjóri
  • Jón Magnús Kristjánsson, framkvæmdastjóri
  • Kristinn v Blöndal, ráðgjafi
  • Linda Rut Benediktsdóttir, sviðsstjóri
  • Suren Kanayan, læknir