Athugið þessi frétt er meira en 4 mánaða gömul.

Skútustaðahreppur og Þingeyjarsveit sameinast

Þingeyjarsveit og Skútustaðahreppur
 Mynd: Geir Ólafsson - RÚV
Íbúar Skútustaðahrepps og Þingeyjarsveitar samþykktu sameiningu sveitarfélaganna. Um tveir af hverjum þremur kjósendum voru samþykkir sameiningunni í báðum sveitarfélögum.

286 greiddu atkvæði með sameiningu í Þingeyjarsveit en 146 á móti henni. Kjörsókn þar var 66,6 prósent. Í Skútustaðahreppi féllu atkvæði þannig að 159 merktu við já og 71 merkti við nei.

Næst tekur við skipun sérstakrar stjórnar sem undirbýr stofnun nýs sveitarfélags. Hvor sveitarstjórn skipar þrjá fulltrúa í stjórnina.