Róstusamt hefur verið í Búrkína Fasó um langt skeið. Hér bera hermenn fallinn félaga sinn til grafar eftir hryðjuverk í höfuðborginni Ouagadougou Mynd:
Athugið þessi frétt er meira en 1 ára gömul.
Hrottafengin morð vígamanna í Búrkína Fasó
Vel á annað hundrað þorpsbúa í Solhan í Búrkína Fasó voru myrtir af vígamönnum í dag. Árásin er sú mannskæðasta síðan vígamenn úr röðum íslamista hófu innreið sína í landið árið 2015 að sögn AFP fréttastofunnar.
Minnst 138 eru látnir að sögn yfirvalda í Búrkína Fasó. Forsetinn Roch Marc Christian Kabore fordæmdi árásina og sagði landsmenn verða að standa saman gegn villimannslegum öfgasveitum. Vígamennirnir hófu árásina klukkan tvö í nótt. Þeir réðust fyrst á varnarsveit sjálfboðaliða, og murkuðu svo lífið úr þorpsbúum að sögn yfirvalda. Tugir eru særðir eftir árásina.
Stjórnvöld sögðu varnar- og öryggissveitir hafa verið sendar af stað til að stöðva hryðjuverkamennina og tryggja frið á þéttbýlum svæðum. Þá voru hermenn sendir til Solhan til að fjarlægja og grafa lík.
Þorpið hefur orðið fyrir nokkrum árásum undanfarin ár. Það er í um 15 kílómetra fjarlægð frá Sebba, stærstu borg Yagha-héraðs í Búrkína Fasó. Solhan er nærri landamærunum að Malí og Níger.
Talsmaður Antonio Guterres, framkvæmdastjóra Sameinuðu þjóðanna, sagði í yfirlýsingu í kvöld að Guterres væri bálreiður vegna morðanna.
Secretary-General @antonioguterres voices outrage at killing of more than 100 people, including children, in Burkina Faso, and calls for redoubled support in fighting violent extremism. https://t.co/xUBrLn1tRF
— UN Spokesperson (@UN_Spokesperson) June 5, 2021
