Mynd: EPA-EFE - EPA
Athugið þessi frétt er meira en 12 mánaða gömul.
Um 80 milljónir bóluefnaskammta til COVAX
Þrír fjórðu ónotaðra bóluefnaskammta í Bandaríkjunum verður færður COVAX samstarfinu. Frá þessu greindi Joe Biden, forseti Bandaríkjanna í gær. Að sögn Deutsche Welle stefna Bandaríkin að því að útdeila um 80 milljónum skammta til heimsbyggðarinnar fyrir lok mánaðarins.
Biden sagði í yfirlýsingu að Bandaríkjamenn séu viðkvæmir fyrir faraldrinum á meðan hann geisar einhvers staðar í heiminum. Fjórðungurinn sem eftir verður í Bandaríkjunum verður notaður í neyðartilfellum og til að deila með bandaþjóðum.
COVAX var stofnað af ríkjum Alþjóðaheilbrigðisstofnunarinnar. Markmið samstarfsins er að tryggja að minnst 30 af hundraði íbúa 92 fátækustu aðildarríkja stofnunarinnar fái bóluefni.
