Athugið þessi frétt er meira en 2 mánaða gömul.

Hvert er eftirlætis íslenska leikhúslagið þitt?

Mynd með færslu
 Mynd: - - SÍ

Hvert er eftirlætis íslenska leikhúslagið þitt?

17.05.2021 - 13:03

Höfundar

Sinfóníuhljómsveit Íslands, RÚV og Þjóðleikhúsið blása til leikhúsveislu í Klassíkinni okkar.

Undanfarin fimm ár hafa Sinfóníuhljómsveit Íslands og RÚV efnt til glæsilegra tónleika undir yfirskriftinni Klassíkin okkar sem hafa notið mikilla vinsælda. Þann 3. september verða sjöttu tónleikarnir með þessari yfirskrift haldnir í Hörpu og að þessu sinni verður athyglinni beint að leikhústónlist.

Af því tilefni er efnt til kosningar um vinsælasta lagið úr íslenskri leiksýningu gegnum árin. Vitaskuld er af mörgu að taka en heyra má nokkur dæmi hér að neðan, úr sýningum allt frá frumkvöðlaárum íslensks leikhúss og til allra síðustu ára.

Mynd með færslu
 Mynd: RÚV

Hægt er að velja 1-5 lög af lista á www.ruv.is/klassikin. Lagið sem ber sigur úr býtum hljómar í beinni útsendingu úr Hörpu þann 3. september í flutningi Sinfóníuhljómsveitar Íslands og frábærra tónlistarmanna. Kosningin stendur til 15. júní. Athugið að einnig er hægt að bæta við tillögum að eigin vali enda er listinn langt frá því að vera tæmandi.

Tónleikarnir eru samstarfsverkefni Sinfóníuhljómsveitar Íslands, RÚV og Þjóðleikhússins.

Tengdar fréttir

Klassísk tónlist

Sjaldheyrð þýðing á Jóhannesarpassíu hljómar í kvöld

Klassísk tónlist

Gervöll tónlistarsagan er hlaðborð

Klassísk tónlist

Tíu úrvalsverk í Klassíkinni okkar