Palestínumenn fá Covax-bóluefni

 Ástandið er sagt slæmt á herteknu svæðunum vegna faraldursins, sjúkrahús yfirfull og vart byrjað að bólusetja aðra en heilbrigðisstarfsfólk og níutíu þúsund manns sem vinna í Ísrael. Byrjað verður að bólusetja landsmenn á sunnudaginn kemur, heilbrigðisstarfsmenn, fólk sem orðið er 75 ára og eldra og þá sem glíma við langvinna sjúkdóma.

Þriðjungur bóluefnisins sem barst í dag verður sendur til Gazasvæðisins. Gert er ráð fyrir að fyrir tilstuðlan Covax-samstarfsins berist bóluefni til Palestínu sem nægi til að bólusetja eina milljón manns, það er tuttugu prósent íbúanna.

Í sendingunni sem kom í dag eru 37 þúsund skammtar af bóluefni frá Pfizer-BioNTech  og 23 þúsund skammtar frá AstraZeneca.