Athugið þessi frétt er meira en 1 mánaða gömul.

Hlíðaskóli og Langholtsskóli áfram í úrslit Skrekks

Mynd með færslu
 Mynd: UngRUV

Hlíðaskóli og Langholtsskóli áfram í úrslit Skrekks

02.03.2021 - 22:24

Höfundar

Hlíðaskóli og Langholtsskóli komust áfram í úrslit Skrekks, hæfileikakeppni skóla- og frístundasviðs Reykjavíkur á öðru undankvöldinu sem fram fór í Borgarleikhúsinu í kvöld.

 

“Ég get ekki sagt að við bjuggumst endilega við því að komast áfram, sérstaklega ekki þegar illa gekk á æfingum ” segir Agla Elín keppandi Hlíðaskóla

“Tilfinningin að komast áfram er ótrúleg, eins og allar tilfinningar í líkamanum spennast upp. Ég veit ekki hvort ég sé að hlægja eða gráta” segir Saga María keppandi Langholtsskóla.

18 skólar taka þátt í ár á þremur undanúrslitakvöldum. Sex skólar keppa á hverju undankvöldi, tveir skólar komast áfram eftir hvert þeirra og tveir til viðbótar verða sérstaklega valdir af dómnefnd. 

Á morgun kemur í ljós hvaða tveir skólar komast síðastir í úrslit og hvaða tveir verða valdir sérstaklega. Úrslit Skrekks fer fram í Borgarleikhúsinu 15. mars og verður í beinni útsendingu á RÚV. 

 

Mynd með færslu
 Mynd: UngRUV