Mynd: EPA-EFE - EFE
Tugir látnir í fangelsisóeirðum í Ekvador
Minnst 62 fangar eru látnir eftir að óeirðir brutust út samtímis í þremur fangelsum í Ekvador í dag. Yfirvöld segja átök á milli gengja vera kveikjuna að uppþotunum. Að sögn AFP fréttastofunnar létu 33 fangar lífið í Cuenca, átta í Latacunga og 21 í Guayaquil.
Innanríkisráðherrann Patricio Pazmino greindi frá því á Twitter að komið hafi verið upp aðgerðarmiðstöð til þess að bregðast við því sem hann kallaði samhæfðar ofbeldisaðgerðir glæpasamtaka í fangelsum landsins.
Ante la acción concertada de organizaciones crimínales para generar violencia en centros penitenciarios del país, desde el Puesto de Mando Unificado conjuntamente con mando policial gestionamos acciones, para recuperar el control. pic.twitter.com/NQwxMAf1nZ
— Patricio Pazmiño Castillo (@ppazminoec) February 23, 2021
Lenin Moreno, forseti Ekvadors, sagði lögregluna vinna að því að ná tökum á ástandinu.
Organizaciones criminales realizan acciones de violencia simultáneas en varios centros penitenciarios del país. La @PoliciaEcuador en coordinación con el Ministro de Gobierno, @ppazminoec, están actuando para retomar control de cárceles en Guayaquil, Cuenca y Latacunga. https://t.co/9gdGoWTQHr
— Lenín Moreno (@Lenin) February 23, 2021
Lögreglan hefur enn ekki gefið það út hvort óeirðunum sé lokið.
Edmundo Moncayo, yfirmaður fangelsismála í Ekvador, segir nokkra lögreglumenn slasaða eftir óeirðirnar.
