Ísland getur mætt þessum liðum í forkeppni HM

Mynd með færslu
 Mynd: Mummi Lú - RÚV

Ísland getur mætt þessum liðum í forkeppni HM

23.02.2021 - 11:17
Íslenska karlalandsliðið í körfubolta tryggði sér sæti í annarri umferð forkeppni HM 2023 sem sigri í sínum riðli í fyrstu umferð forkeppninnar í Kósóvó um helgina.

Nú er ljóst hvaða tólf lið verða í pottinum í annarri umferð keppninnar en fjögur lið fóru með Íslandi áfram í fyrstu umferð. Hin átta liðin eiga það sameiginlegt að hafa mistekist að komast áfram úr undankeppni EuroBasket 2022. Íslandi mistókst að komast í undankeppni EuroBasket og þurfti því að fara í gegnum fyrstu umferð forkeppninnar.

Liðin úr forkeppni HM: 

  • Ísland
  • Hvíta-Rússland
  • Portúgal
  • Slóvakía

Liðin úr undankeppni EM:

  • Austurríki
  • Danmörk
  • Lettland
  • Svartfjallaland
  • Norður-Makedónía
  • Rúmenía
  • Svíþjóð
  • Sviss

Ekki er ljóst hvenær verður dregið í riðla. Þrjú lið verða dregin í fjóra riðla en tvö efstu liðin úr hverjum riðli komast áfram í sjálfa undankeppnina fyrir HM 2023.