Athugið þessi frétt er meira en 4 mánaða gömul.

Svíi ákærður fyrir njósnir í þágu Rússa

22.02.2021 - 11:06
Erlent · FSB · Njósnir · Rússland · Svíþjóð · Evrópa
Lögreglubíll á morðstað í Angered í Gautaborg þar sem móðir og þrjú börn voru myrt
 Mynd: SVT
Saksóknari í Svíþjóð hefur ákært tæplega fimmtugan Gautaborgarbúa fyrir njósnir í þágu Rússlands. Saksóknarinn, Mats Ljungqvist, segir að maðurinn hafi stundað iðnaðarnjósnir hjá Volvo og Scania og afhent rússneskum leyniþjónustumanni upplýsingarnar og þegið greiðslu fyrir.

Handtekinn á veitingastað í Stokkhólmi

Sænska öryggislögreglan handtók manninn á veitingastað í miðborg Stokkhólms árið 2019 og var hann þá með rússneskum leyniþjónustmanni, að því er öryggislögreglan segir og fram kemur á vef SVT, sænska ríkissjónvarpsins. Maðurinn starfaði bæði fyrir Volvo-verksmiðjurnar í Gautaborg og Scania í Södertälje. Leyniþjónustmaðurinn var í starfsliði rússneska sendiráðsins og hvarf úr landi skömmu síðar.