Athugið þessi frétt er meira en 4 mánaða gömul.

Prentsmiðjan Ásprent Stíll tekin til gjaldþrotaskipta

03.02.2021 - 10:31
Mynd með færslu
 Mynd: Óðinn Svan Óðinsson - RÚV
Prentsmiðjan Ásprent Stíll á Akureyri verið tekin til gjaldþrotaskipta og fékk starfsfólk ekki greitt út laun núna um mánaðamótin. Vikublaðið, Dagskráin og Skráin, sem Útgáfufélagið gefur út og prentuð eru í Ásprent, munu koma út áfram. Starfsmenn Ásprents-Stíls eru tæplega 20.

Frá þessu er greint á vef Vikublaðsins í dag. Þar segir að rekstur félagsins hafi verið þungur síðustu misseri og áhrif COVID-19 faraldursins hafi haft afgerandi neikvæð áhrif.

Tilraunir til fjárhagslegrar endurskipulagningar með viðskiptabanka félagsins tókust ekki. Skiptastjóri verður skipaður yfir eignum fyrirtækisins og starfsemin heldur áfram í sömu mynd þannig til annað verður ákveðið. Að því er fram kemur á vef Vikublaðiðsins.

Þar er einnig tekið fram að Vikublaðið, Dagskráin og Skráin, sem  Útgáfufélagið gefur út og prentuð eru í Ásprent, munu koma út áfram og hefur gjaldþrot Ásprents ekki áhrif á útgáfu þessara miðla.