Athugið þessi frétt er meira en 2 ára gömul.

Tilnefningar til íslensku myndlistarverðlaunanna

Mynd með færslu
 Mynd:

Tilnefningar til íslensku myndlistarverðlaunanna

28.01.2021 - 12:06

Höfundar

Haraldur Jónsson, Margrét H. Blöndal, Libia Castro, Ólafur Ólafsson, Selma Hreggviðsdóttir og Sirra Sigrún Sigurðardóttir eru tilnefnd til Íslensku myndlistarverðlaunanna 2021.

Íslensku myndlistarverðlaunin eru veitt í tveimur flokkum: Myndlistarmaður ársins og hvatningarverðlaun ársins. Myndlistarráð stendur nú í fjórða skipti að úthlutun Íslensku myndlistarverðlaunanna en markmiðið er að heiðra íslenska myndlistarmenn, eða myndlistarmenn sem búsettir eru á Íslandi, og vekja athygli á því sem vel er gert jafnframt því að hvetja til nýrrar listsköpunar.

Eftirfarandi myndlistarmenn eru í forvali til Myndlistarmanns ársins:

Haraldur Jónsson fyrir sýninguna Ljósavél í gallerí Berg Contemporary. 19. des. 2020 – 27. feb. 2021.

Mynd: RÚV / RÚV
Ljósavél í Menningunni á RÚV.

Margrét H. Blöndal fyrir sýninguna Loftleikur í i8 Gallerí. 3. sept. – 10. okt. 2020.

Mynd: RÚV / Menningin
Loftleikur í Menningunni á RÚV.

Libia Castro og Ólafur Ólafsson fyrir verkið Í leit að töfrum – Tillaga að nýrri stjórnarskrá fyrir lýðveldið Ísland, Listasafn Reykjavíkur,Hafnarhús og á götum úti við Stjórnarráð og Alþingi Íslands, 3. okt. 2020 í samstarfi við tónlistar- og myndlistarhátíðina Cycle og Listahátíð í Reykjavík.

Mynd: Listasafn Rvk / Listasafn Rvk
Guðný Guðmundsdóttir og Sunna Ástþórsdóttir, sýningar- og framkvæmdastjórar, verkefnisins Leit að töfrum í Víðsjá á Rás 1.

Selma Hreggviðsdóttir og Sirra Sigrún Sigurðardóttir fyrir sýninguna Ljósvaki  í gallerí Berg Contemporary. 24. jan. – 21. mars 2020.

Mynd: RÚV / RÚV
Sýningin Ljósvaki í Menningunni á RÚV.

Eftirfarandi myndlistarmenn eru í forvali til Hvatningarverðlauna ársins:

Andreas Brunner fyrir sýninguna,Ekki brotlent enn, D41, í Listasafni Reykjavíkur, Hafnarhúsi, sýningarstjóri Markús Þór Andrésson. 19. mars – 7. júní 2020.

Guðlaug Mía Eyþórsdóttir fyrir sýninguna Milli hluta í Listasal Mosfellsbæjar. 14. sept. – 9. okt. 2020.

Una Björg Magnúsdóttir fyrir sýninguna Mannfjöldi hverfur sporlaust um stund, D40, í Listasafni Reykjavíkur, Hafnarhúsi, sýningarstjóri Aldís Snorradóttir. 16. jan. – 15. mars 2020.

Greint verður frá því hver af þessum fjórum hlýtur Myndlistarverðlaun ársins og hver hlýtur Hvatningarverðlaun ársins fimmtudaginn 25. febrúar 2021.